ભક્તિનિધિ – ૫દ ૦૮

વિવેચન

સદ્. નિષ્કુળાનંદ સ્વામી કહે છે કે ભગવાનની ભક્તિ-સેવા કરીને ભગવાનનું ભજન કરી, એ હિતનું વચન કહું છું તેને આદરથી માનજે. ભગવાનની સાચી સેવા કર્યા વિના અથવા ભગવાનના સાચા ભક્તની સેવા કર્યા વિના અતિશય ભાગ્ય જાગતું નથી. તેમજ ભવદુઃખનો અંત આવતો નથી. જન્મ- મરણમાં ભટકવાનું મટતું નથી. મરને ગમે તેટલી જતન કરે સો સો સાધન કરે તો પણ ભક્તિ વિના નિર્ભયતા પ્રાપ્ત થતી નથી. ભક્તિ-ભગવાનની સેવા છે, તે સુખનો ભંડાર છે, નિધિ છે, નિર્ધનિયાનું ધન છે, ભાગવતમાં કહ્યું છે કે

‘सकलभुवनमध्ये निर्धनास्तेऽपि धन्या । निवसति हृदियेषां श्री हरे र्भक्तिरेका ।। (भा महा.)’

સુખનું નિવાસ છે, એવી ભક્તિ મનુષ્ય દેહે જ થાય છે. અન્ય દેહે શક્ય નથી. માટે સ્વામી કહે છે જગતથી વૈરાગ્ય પામીને મહારાજની ભક્તિ કરો.